Ամենաընթերցվածները
Աստղային օրվա ամփոփում․ Մարի Պետրոսյանի խոստովանությունը, Մելիքյանների ընտանիքում տոն է, Սիրուշոն խանդի մասին․ Բացառիկ
Վերջին օրերին հայկական շոուբիզնեսում և հանրային դաշտում տեղի ունեցող իրադարձությունները կրկին ակտիվ քննարկումների թեմա են դարձել։ Հայտնիները սոցիալական հարթակներում կիսվում են իրենց անձնական կյանքով, հուզիչ պահերով ու կարևոր իրադարձություններով։
Դերասանուհի Մարի Պետրոսյանը նոր գրառում է արել՝ խոսելով իր կյանքի մասին։ Երեք երեխաների մայրը խոստովանել է, որ միայնակ մեծացնում է նրանց և, չնայած ծանր առօրյային, շարունակում է ուժեղ մնալ։ «Ինձ վրա չի ազդում՝ ժամը 4-ին քնելը, ժամը 7-ին արթնանալը ու միայնակ երեք երեխա մեծացնելը»,- գրել է դերասանուհին։
Սոցիալական հարթակներում ակտիվ է նաև պարուհի Սոֆի Դևոյանը, ով «Stories»-ում հրապարակել է լուսանկար՝ իր կյանքի ամենակարևոր տղամարդկանց՝ ամուսնու և եղբոր հետ։ Լուսանկարին կից նա գրել է․ «Իրանց ընկերությունը…»։
Մինչդեռ դերասան Կարեն Հովհաննիսյանը վերջերս հաստատել է իր և կնոջ՝ Մանե Հակոբյանի բաժանման մասին լուրերը։ Go.sport FM 96.3-ի եթերում դերասանը խոստովանել է, որ բաժանումը ծանր է տարել: Ակնարկ կար նաև, որ սա իր առաջին ամուսնալուծությունը չէր։
Ուշադրության կենտրոնում էր նաև դերասան Լևոն Մկրտչյանի ծննդյան օրը։ Նրա կինը՝ Էվելինա Ստեփանյանը, հուզիչ շնորհավորանք է հրապարակել՝ գրելով․ «Սերս, դու ամենալավին ես արժանի։ Աշխարհի չափ սիրում եմ քեզ»։
Այս օրերին հիշատակի գրառումներ էին կատարվում նաև Հայաստանի երրորդ նախագահի տիկնոջ՝ Ռիտա Սարգսյանի ծննդյան օրվա առթիվ։ Նրա մասին ջերմ խոսքերով հիշել են մի շարք հայտնի մարդիկ՝ ընդգծելով նրա բարեգործական գործունեությունն ու մարդկանց կյանքում թողած մեծ հետքը։
Միևնույն ժամանակ աղմուկ էր բարձրացրել ասմունքող Լիանա Զուրաբյանի հրապարակումը։ Նա պատմել է, որ որդու հետ դարձել է անչափահասների ցինիզմի զոհ և հայտնել, որ արդեն դիմել է ոստիկանություն։ Նրա խոսքով՝ իրեն արդեն հրավիրել են նաև հարցաքննության։
Հուզիչ գրառումով էր հանդես եկել նաև Զվարթ Ասատրյան-ը՝ հիշելով իր եղբորը՝ լուսահոգի Սեդրակ Ասատրյանին, որի մահվան 20-րդ տարելիցն է։ Նա գրել է, որ տարիները անցնում են, սակայն ընտանիքի ցավը չի փոքրանում։ Հիշեցնենք, որ լեգենդար երգիչ Արամ Ասատրյան-ը ունեցել է չորս երեխա՝ Տիգրան Ասատրյան, Արտաշ Ասատրյան, լուսահոգի Սեդրակը և դուստրը՝ Զվարթը։
Ընտանեկան ջերմությամբ լի հրապարակումներ են արել նաև Արամ Մելիքյան-ն ու նրա դուստրը՝ Էլիզ Մելիքյան-ը։ Նրանք շնորհավորել են Ստելլային, ով նշել է իր 17-ամյակը։
Իսկ երգչուհի Սիրուշոն և նրա ամուսինը՝ Լևոն Քոչարյանը հետևորդների հետ անկեղծ զրույցում խոսել են իրենց հարաբերությունների, ընտանիքի և խանդի մասին՝ ներկայացնելով իրենց տեսակետները համատեղ կյանքի վերաբերյալ։
