Ամենաընթերցվածները
Օրվա գլխավոր իրադարձությունները․ Onex-ի շուրջ սկանդալը շարունակվում է, Ագնեսա Շահնազարյանը անկեղծացել է, Խորեն Լևոնյանը դուստր է ունեցել
Օրը հագեցած էր ինչպես ուրախ, այնպես էլ քննարկվող ու աղմկահարույց իրադարձություններով։
Դերասանուհի Դիանա Մխիթարյանը շաբաթներ առաջ ստացել էր ամուսնության առաջարկություն Փարիզում, իսկ այժմ արդեն հայտնի է նրա ընտրյալի ինքնությունը։ Զույգը ակտիվորեն կիսվում է համատեղ լուսանկարներով՝ արժանանալով հետևորդների ջերմ արձագանքին։
Այսօր նշվեց նաև Թատրոնի միջազգային օրը, որի առթիվ բազմաթիվ հայ դերասաններ շնորհավորական խոսքեր հղեցին՝ խոսելով թատրոնի հանդեպ իրենց սիրո և նվիրվածության մասին։
Ամենահուզիչ իրադարձություններից մեկը կապված էր Խորեն Լևոնյանի հետ, ով իր ներկայացման ընթացքում խոսեց ընտանիքի մասին և բացահայտեց, որ վերջերս հայր է դարձել։
Մինչդեռ դերասանուհի Ագնեսա Շահնազարյանը անկեղծ խոստովանություն է արել նախկին ամուսնու հետ հարաբերությունների մասին՝ ընդգծելով, որ երբեք չեն վերամիավորվելու, սակայն շարունակում են կապ պահպանել հանուն որդու։
Շոումեն Արամ Մելիքյանը հերթական երևանյան զբոսանքի ընթացքում անակնկալ մատուցեց անցորդներին՝ իր կատարումով։
Դերասանուհի Քրիստինա Եղոյանը հիացրել է հետևորդներին դստրիկների հետ ջերմ տեսանյութով՝ գրելով․ «Իմ երջանկությունն այս տեսքն ունի»։
Դերասան և պրոդյուսեր Արմեն Պետրոյանը (Մենչ) շարունակում է ընտանեկան հանգիստը Եվրոպայում՝ կիսվելով Իտալիայից, Մադրիդից և արդեն Լոնդոնից հրապարակումներով։
Օրվա ամենաքննարկվող թեմաներից մեկը շարունակում է մնալ Onex ընկերության շուրջ սկանդալը։ Օգտատերերի և բլոգերների դժգոհությունները չեն դադարում, իսկ Սոֆի Էլիզբարյանի հեռախոսի անհետացման պատմությունը դեռևս մնում է առանց հստակ պարզաբանման։
Մյուս կողմից, հետաքրքիր զարգացումներ են նաև երաժշտական ոլորտում․ Hayat Project-ը ներկայացրել է նոր երգի անոնս, սակայն առանց Նարե Հովհաննիսյանի, ինչն էլ նոր հարցեր է առաջացրել խմբի կազմում փոփոխությունների մասին։
