Ամենաընթերցվածները
Մահ, բաժանման լուրեր ու 12 տարվա կախվածություն․ ինչ է կատարվել այսօր․ օրվա ամենաքննարկված իրադարձությունները
Մշակութային ոլորտում շարունակում է ցավալիորեն քննարկվել դերասան Լևոն Տեր-Պետրոսյանի մահը։ Հայտնի է դարձել, որ նրա հոգեհանգստի պատարագը կկայանա ժամը 16։30-ին՝ Կոնդի Սուրբ Հովհաննես եկեղեցում։ Արտիստի հիշատակը շարունակում է միավորել գործընկերներին ու երկրպագուներին։
Հուզիչ գրառումով է հանդես եկել նաև Լիլիթ Կարապետյան-ը՝ գրելով․ «Անտանելի ցավ է…»։
Միևնույն ժամանակ, համացանցում ակտիվորեն տարածվում է Վաչե Թովմասյանի հրապարակած տեսանյութը, որտեղ երևում է երջանկահիշատակ դերասանը։ «Լևո՛ն, նախագահ» արտահայտությունը դարձել է տեսանյութի ամենահիշվող հատվածներից։
Մշակութային իրադարձություններից առանձնացավ նաև Անահիտ մրցանակաբաշխությունը։ «Լավագույն դերասանուհի» մրցանակը շնորհվեց ֆրանսիացի դերասանուհի Կամիլ Կոտենին։
Շոու-բիզնեսում քննարկումների կենտրոնում են հայտնվել Պապ Պողոսյանն ու Մարի Հովհաննիսյանը։ Զույգը հեռացրել է համատեղ լուսանկարները և այլևս չի հետևում միմյանց, ինչն առաջացրել է բաժանման մասին խոսակցություններ։
Ուշադրության կենտրոնում է նաև դերասանուհի Նինա Տիտանյանը, ով հրապարակել է իր կտրուկ փոփոխությունը ներկայացնող լուսանկարներ։ Նա ընդամենը 7 ամսում նիհարել է շուրջ 50 կգ՝ արժանանալով մեծ արձագանքի։
Այսօր ծննդյան 98-ամյակն է նշում հայկական պարարվեստի վաստակավոր ներկայացուցիչ Արտյուշա Կարպետյանը։ Նրան ջերմ շնորհավորանք է հղել թոռնուհին՝ Աիդա Կարապետյանը։
Դերասանուհի Մարինկա Խաչատրյանը ինտրիգ է առաջացրել իր նոր հրապարակմամբ՝ ցուցադրելով շքեղ ծաղկեփունջ, սակայն չբացահայտելով՝ ում կողմից է այն։
Անկեղծ և շոկային խոստովանությամբ հանդես է եկել Էրիկ Շահբազյանը։ Նա պատմել է տարիներ շարունակ ունեցած ծանր կախվածության մասին՝ նշելով, որ 12 տարի ապրել է «դժոխքի մեջ», սակայն կարողացել է հաղթահարել այն։
Իսկ ավելի թեթև ու ջերմ տրամադրություն հաղորդող հրապարակմամբ է հանդես եկել Արամ Մելիքյանը՝ ցույց տալով իր որդու և փոքրիկ փիսիկի զվարճալի հանդիպումը, որը դարձել է համացանցի սիրելի տեսանյութերից։
