Category: Նորություններ

StarNews-ը երեկ հայտնել է, որ երգչուհի Գաբի Գալոյանն ամուսնացել է: Այս մասին երգչուհին հայտնել է իր ֆեյսբուքյան էջում` հրապարակելով հարսանիքից լուսանկար: Արդեն այսօր Գաբին նոր լուսանկարներ է հրապարակել ու ներկայացրել հարսանեկան այլ կադրեր:

Նշենք, որ երգչուհի Գաբի Գալոյանը, ում անձնականի մասին այս տարիների ընթացքում շատ քիչ է խոսվել, 2024-ի դեկտեմբեր ամսին նշանադրվեց: StarNews -ը ներկայացրել էր երգչուհու շքեղ նշանադրության մատանին:

Հավելենք, որ StarNews-ը բազմիցս փորձել է մեկնաբանություն ստանալ երգչուհուց, սակայն վերջինս նշում է, որ չի ցանկանում խոսել այդ մասին:

Դերասանուհի Եվա Զոհրաբյանը մայրիկ է դարձել: Օրեր առաջ լույս աշխարհ է եկել նրա դուստրը`Արիան, ում ծննդյան լուրը մայրիկը միայն այսօր է հայտնել:

Դերասանուհին փոքրիկի հետ իրականացրած առաջին ֆոտոշարքն է հրապարակել ու գրել.

«23.04, լույս աշխարհ եկավ մեր փոքրիկ արքայադուստրը`Արիա Լազարի: Բարի գալուստ այս աշխարհ, մենք քեզ շատ ենք սպասել»:

StarNews-ը շնորհավորում է:

Դերասանուհի Լուիզա Ներսիսյանը վերջին  օրերին աշխատանքի բերումով արտերկրում էր: Դերասանուհու հայրենիք ժամանելիս Լուիզայի դուստրը`Լիլիթը, իր հայրիկի հետ միասին անակնկալ է մատուցել մայրիկին:

Վայրէջքից հետո Լիլիթը զանգել է մայրիկին ու ասել, որ տանն են և չեն կարողացել գնալ Լուիզային դիմավորելու, Լուիզան էլ հավատացել ու մի փոքր տխրել է`նշելով, որ «ինքն իրենով» կգնա տուն:

Դե իսկ ժամանման սպասասրահում էլ արդեն տեսել է Հրանտ Թոխատյանին ու դստերն ու անակնկալի եկել:

Կյանքից հեռացել է դերասան, հումորի վարպետ Վլադիմիր Կոստանյանի կինը` տիկին Կարինեն։

«Հարգելի՛ հայրենակիցներ,
խորը ցավով տեղեկացնում եմ, որ Ֆրանսիայում հիվանդության պատճառով կյանքից հեռացել է իմ սիրելի մայրը՝ Կարինեն։ Հոգեհանգիստը կկայանա Ֆրանսիայում՝ ապրիլի 29-ին, ժամը 18:00-ին, Կամպեր քաղաքի C.Le Comte սգո սրահում (հասցե՝ 85 avenue Pierre Mendès, Quimper): Հուղարկավորությունը տեղի կունենա Église Sainte-Claire եկեղեցուց ապրիլի 30-ին, ժամը 13:00-ին (Հասցեն՝ 46 Rue Paul Borrossi, Quimper)։

Հայաստանում Կարինեի հիշատակին պատարագ կմատուցվի Մալաթիայի Սուրբ Մարիամ Աստվածածին եկեղեցում՝ ապրիլի 30-ին, ժամը 15:00-ին»,- գրել է դերասանի որդին:

StarNews-ը ցավակցում է:

Երեկ ամուսնացած Ռոզա Դավթյանն իր հարսանեկան արարողության սկզբում հուզիչ խոսքեր էր հղել երջանկահիշատակ հայրիկին` մասնավորապես, նշելով.

«Ես չգիտեի, որ 3 տարի հետո հանդիպելու եմ մարդու, ով դառնալու է իմ մեծագույն սերը, ու չգիտեի, որ 4 տարի հետո՝ քո ծննդյան օրը, ամուսնանալու եմ։ Շատ բաներ չգիտեի, պա´պ ջան, բայց հիմա գիտեմ շատ ավելին ու, երևի, բաներ կան, որոնց մասին պետք էլ չէր այսքան շուտ իմանալ։ Դու ու Գուգոն երբեք չեք հանդիպել, պապ ջան, բայց ես շնորհակալ եմ, շնորհակալ եմ, որ հենց իրեն ես ընտրել, պապ ջան, որովհետև ես երջանիկ եմ, նորից ու նորից շնորհավոր ծնունդդ, պապ։ Հա, ու մեկ էլ ես, Սամոն, մաման 4 տարի չենք պարել ոչ մի առիթով, բայց էսօր քո թույլտվությամբ, քո ծնունդին ու իմ հարսանիքին անվերջ պարելու ենք»։

Երգչուհի Գաբի Գալոյանը, ում անձնականի մասին այս տարիների ընթացքում շատ քիչ է խոսվել, 2024-ի դեկտեմբեր ամսին նշանադրվեց: StarNews -ը ներկայացրել էր երգչուհու շքեղ նշանադրության մատանին:

Արդեն այսօր`երգչուհին իր ֆեյսբուքյան էջում հարսանեկան զգեստով հրապարակում է արել ու այդպիսով հայտնել, որ ամուսնացել է:

Երեկ ողջ համացանցով մեկ տարածվել էր երիտասարդ դերասանուհի Ռոզա Դավթյանի հարսանիքի կադրերը: Ռոզան և սիրելին`Գուրգենը, եկեղեցում օրհնություն ստանալուց հետո երևանյան ռեստորաններից մեկում նշեցին իրենց միությունը: Դերասանուհին անչափ գեղեցիկ հարսիկ էր:

Հարսանիքի հաջորդ օրը դերասանուհին պրոֆեսիոնալ կադրեր է հրապարակել` հերթական անգամ ցույց տալով իր շքեղ ու գեղեցիկ տեսքը:

Երեկ հայտնել ենք, որ ԱՄՆ-ում լույս աշխարհ է եկել դերասանուհի Շուշաննա Թովմասյանի երրորդ երեխան: Դերասանուհին ամուսնուն դուստր է պարգևել, ում անվանակոչել են Էտնա:

«Հիմա մենք առավել քան լիարժեք ընտանիք ենք:Մեր ընտանիք քնքշություն եկավ. ծնվեց մեր դստրիկը`Էտնան»,- գրել էր Շուշաննան ինստագրամյան էջում։ 

Արդեն այսօր դերասանուհին հուզիչ տեսանյութ է հրապարակել` ցույց տալով իր որդիների առաջին հանդիպումը նորածին քույրիկի հետ:

Տեսանյութը` մեր տելեգրամյան ալիքում

StarNews.am-ը տարեսկզբին բացառիկ կերպով հայտնեց, որ երգիչ Անդրեն և Անի Օհանյանը ամուսնալուծվել են։ Մեր պատրաստած նյութից հետո ողջ համացանցը ամիսներ շարունակ քննարկում էր այս թեման։

Եվ միայն օրեր առաջ Անի Օհանյանը ինստագրամյան էջում գրառում արեց ՝ հաստատելով բաժանման մասին լուրը և ներկայացնելով իրենց կյանքի չբացահայտված կողմերը։ Այս հրապարակումից հետո շատերը քննարկում ու քննադատում էին և´ Անիին, և´ Անդրեին:

Այս քննարկումներից հետո Անին հանդես է եկել նոր հրապարակումով, որտեղ ինքն ու դուստրն են: Հրապարակմանն Անին կցել է Ֆիլիպ Կիրկորովի «Ես այս կյանքը քեզ կտամ» երգը:

Մովսես Երեմյան Անի Երանյան զույգի մասին ժամանակին խոսում էին բոլորը, նրանք ամենասիրված աստղային զույգն էին, նրանց յուրաքանչյուր նոր ֆոտոշութ անմիջապես տարածվում էր ամբողջ համացանցով, ցանկացած հարցազրույց մի նոր քննարկման առիթ էր դառնում՝ երբեմն նոր սկանդալի ու քննադատության ալիք բերելով։

Ժամանակին շատերը անգամ հակված էին մտածելու, որ նրանց սիրավեպը պարզապես PR քայլ էր՝ իրենց անձի շուրջ հետաքրքրություն առաջացնելու համար։ Իհա՛րկե, թե՛ Մովսեսը, թե՛ Անին մի քանի անգամ հերքել են այս խոսակցությունները՝ նշելով՝ իրենց հարաբերություններն անկեղծ են։

Վերջին օրերին ևս քննարկվում էր Անիի և Մովսեսի հավանական միավորումը: Անին հանդես էր եկել սիրառատ հրապարակումներով, ինչից հետք շատերը ենթադրում էին, որ նրանք կրկին միասին են, շատերն էլ վստահ էին`միևնույն նախագծում են նկարահանվում:

Այսօր Անին հաստատեց երկրորդ վարկածը: Դերասանուհին հրապարակել է համատեղ լուսանկար ու գրել.

«Քեզանից հետո… Շուտով»: