Կարեն Դեմիրճյանի անվան մարզահամերգային համալիրում տեղի ունեցավ «Խազեր» երաժշտական մրցանակաբաշխությունը, որտեղ «Տարվա լավագույն երգիչ» ճանաչվեց Էրիկ Կարապետյանը, իսկ «Տարվա լավագույն երգչուհի» անվանակարգում հաղթողը Ոոնա Ռուբենյանն էր:
«Լավագույն երգն» ու «Լավագույն տեսահոլովակը» Արամ Mp3-ի «Երևի»-ն էր:
«Տարվա հայտնությունն» ու «Տարվա հեղինակ-կատարող» ճանաչվեց yellowheart-ը, դե իսկ «Լավագույն խումբ-նախագիծը»`PROJECT LA-ը:
Երեկ երեկոյան ՀՀ գլխավոր դատախազությունը հայտարարություն է տարածել, համաձայն որի՝ երգիչ Անդրեի կնոջ՝ Անի Օհանյանի գրառման հիման վրա քրեական վարույթ չի նախաձեռնվել, դատախազությունը իր հայտարարության մեջ նշել է.
«Նկատի ունենալով, որ ԶԼՄ-ներում տեղ գտած՝ Անի Օհանյանի գրառման դեպքով ՀՀ ՆԳՆ ոստիկանության համապատասխան ստորաբաժանումում ձեռնարկված օպերատիվ-հետախուզական միջոցառումների արդյունքում պարզվել է, որ Անի Օհանյանն ու Անդրեյ Հովնանյանը մշտապես բնակվել են ԱՄՆ-ում, իսկ հրապարակմամբ մատնանշված հանգամանքների վերաբերյալ ներկայումս այնտեղ առկա է դատական գործընթաց, հետևաբար՝ քննարկվող հրապարակմանը ՀՀ քրեական դատավարության օրենսգրքի 178-179 հոդվածների կարգով ընթացք չի տրվել»:
Այս հայտարարությունից միայն կարելի է ենթադրել, որ այս պահին ԱՄՆ-ում երգիչ Անդրեի վրա դատական գործընթաց է սկսված, բայց անհասկանալի է, թե ինչպես է երգիչն այժմ գտնվում Հայաստանում, ինչպես է հատել ԱՄՆ-ի սահմանը ու ինչ «սրտով է» ժպտում ու վայելում իր մրցութային օրերը «Հայ Սուպերսթար» նախագծում:
Այս բոլոր հարցերի պատասխանը գտնելն էլ ավելի է դժվարանում, երբ երգիչ/տղամարդը անդադար լռում է ու կարծես ոչինչ չի եղել, շարունակում է ապրել իր կյանքը ու դա անում է այն ժամանակ, երբ իրենից 20 տարի փոքր իր երեխայի մայրը պաշտոնապես հայտարարել է, որ ինքը, գոնե, տղամարդուն ոչ վայել վերաբերմունք է դրսևորել նրա նկատմամբ:
StarNews.am-ը շարունակում է հետևել դեպքերի զարգացմանը և Ձեզ կտեղեկացնի հետագա զարգացումների մասին:
Վերջին օրերին համացանցում տարածում էր գտել մի տեսանյութ, որտեղ ադրբեջանական զույգը պատմում էր, թե ինչպես են այցելել Լոս Անջելեսուկ հայկական ռեստորան, որտեղ իրենց չափազանց լավ են ընդունել և անգամ իրենց համար երգել է երգիչը: «Օձի լեզու» հաղորդման շրջանակներում անդրադարձ եղավ այդ դեպքին, սակայն չնշվեց ո´չ ռեստորանի, ո´չ էլ երգչի անունը:
Մհերը խոսել է ռեստորանի մենեջերի հետ, ով հետևյալ բացատրությունն է տվել.
«Ըստ ռեստորանի աշխատակիցների` եղել է վրացիների խումբ, որոնց շարքերում եղել են նաև 2 ադրբեջանցիներ, ինչի մասին աշխատակիցները նախապես չեն իմացել»:
Մհերը հավելեց, որ 44 օրյա պատերազմից հետո ադրբեջանցիների դիմաց Բաքվի մասին երգելը իր համար չունի որևէ պարզաբանում: Ինչպես նաև հավելեց, որ տվյալ երգչին կատարման ընթացքում մենեջերն ընդհատել է և նա աշխատանքից հեռացված է:
Արա Ղազարյանն անդրադառնալով թեմային` նշեց, որ պետք չի էդպես կուրծք ծեծել, այն դեպքում, երբ թուրքերը Հանրապետության հրապարակում երգում են,պարում են, երբ ամեն քայլափոխի պետք է լինեն ԱԱԾ աշխատակիցներ, երբ Զատկի նախօրեին տեղի է ունենում Թաթուլի մենահամերգը, երբ մի քանի մետր այն կողմ Ծիծեռնակաբերդն է, դա տեղի էր ունենում մի քանի օր առաջ Ապրիլի 24-ից:Արայի խոսքով` չի կարելի մի փոքր ռեստորանի, ճղճիմ երգչի հարցը լայնամասշտաբ քննարկել ու չանդրադառնալ Թաթուլի` 12.000 հանդիսատեսով համերգին.
«Ավագ շաբաթվա ընթացքում, Թաթուլը դնում համալիրում տժժցնում ա 12.000 հոգի, խրախճանք ժանտախտի ժամանակ, էսպես կոտորելով, սպանված, քրտնխաշ պարում են, հնչումա բացառապես թուրքական երգեր: Գեղեցիկ , ինտելեգենտ, մաքուր հայերենով հայ աղջիկը քայլումա Երևանի փողոցում և լրագրողին ասում, որ ինքը նախորդ օրը մասնակցելա Թաթուլի համերգին:Ու հավելում, որ մեծ հաճույքա ստանում այդ երաժշտությունից: Մենք ունենք փաստը, որ մենակ Նիվեքով, չոլկով տղերքը չէին գնացել, և էդ աղջիկները հաճույքի վայելքներ էին ապրում համերգի ժամանակ`անգիր երգելով բոլոր երգերը: Ինձ հետաքրքրում է`հիմա ո՞րն է մեր երաժշտությունը, սա տարիների դեգրադացման արդյունքում եղավ»:
Վերջին օրերին համացանցում ակտիվորեն տարածվում էր երիտասարդ դերասանուհի Ռոզա Դավթյանի հարսանեկան տեսանյութերը: Դերասանուհին, ով հասցրել է կարճ ժամանակահատվածում սիրվել հանրության կողմից, գեղեցկուհի հարսիկ էր:
Համացանցում լուրեր էին պտտվում այն մասին, որ դերասանուհին ամուսնությունից հետո այլևս չի նկարահանվի «Վերջին զանգը» սերիալում:
Լուրերին վերջ դնելու համար Ռոզան լուսանկար է հրապարակել ու գրել.
«Մեր կյանքում ոչինչ չի փոխվել,մենք նկարահանման ենք»:
հայտնել ենք, որ ԱՄՆ-ում լույս աշխարհ է եկել դերասանուհի Շուշաննա Թովմասյանի երրորդ երեխան: Դերասանուհին ամուսնուն դուստր է պարգևել, ում անվանակոչել են Էտնա:
«Հիմա մենք առավել քան լիարժեք ընտանիք ենք:Մեր ընտանիք քնքշություն եկավ. ծնվեց մեր դստրիկը`Էտնան»,- գրել էր Շուշաննան ինստագրամյան էջում։
Արդեն այսօր դերասանուհին հուզիչ տեսանյութ է հրապարակել` ցույց տալով ինչպես են իրեն և դստերը որդիները դիմավորում տանը:
Նախորդ տարին լի էր կորուստներով: Դրանցից որոշներն, իսկապես, անժամանակ էին: Մեծ ցավով հայտնեցինք, որ մահացել է շոումեն և հումորիստ Ալիկ Հակոբյանը․ նախնական տվյալներով նրա մոտ ախտորոշվել էր սրտի կանգ։
Ալիկն ամուսնացած էր Լուիզայի հետ, նրանց ընտանիքում 2 դուստր է ծնվել: Ալիկի ավագ դուստրն ամուսնացել ու հայրիկին պապիկ էր դարձրել: Ալիկն ու կինը` Լուիզան, չափազանց կապված ամուսիններ էին:
Ամուսնու մահից մեկ տարի անց Լուիզան համատեղ լուսանկար է հրապարակել, իսկ մեկնաբանություններում մարդիկ նշել են, որ անկախ ցավալի իրականությունից, նրանց միշտ միասին են պատկերացնում…
«Օձի լեզու» հաղորդման շրջանակներում խոսվեց Անդրեի կնոջ`Անի Օհանյանի գրառման մասին: Մհեր Բաղդասարյանը նշեց, որ հասարակությունը փոխվել է և կանանց այլ կերպ է ընկալում: Նախկինում միայն մեղադրում էին կանանց, սակայն այսօր Անիին մեկնաբանություններում քաջալերում են:
Արա Ղազարյանը հակառակվեց.
«Ես չեմ կարծում, որ կա էմպատիայի հարց, որովհետև եթե լիներ, այն մի փոքր կտեսնեինք Անահիտ Սիմոնյանի դեպքում, հասարակությունը չհասկացավ, որ Անահիտը Հայկոյի միակ կինն էր, միակ երեխայի մայրն էր, քարերը վերցրին ու սկսեցին լարել, պատրաստ էին Անահիտ Սիմոնյանին հրապարակում այրել: Էստեղ հակառակն եղավ, հայերը չեն սիրում հաջողակ կանանց, միայն խեղճ կնոջ կերպարով կանայք են քաջալերման արժանանում»:
Ռուսաստանաբնակ հայազգի շոումեն Միխայիլ Գալուստյանն Ինստագրամում հրապարակում է արել ու հայտարարել, որ ինքն ու կինը`Վիկտորյան, ամուսնալուծվելու որոշում են կայացրել.
«Ընկերներ և բոլոր նրանք, ովքեր ճանաչում են մեր ընտանիքին: Տևական ժամանակ անց կարևոր համարեցինք պատմել ձեզ… Երբեմն կյանքը փոխում է իր սցենարները, և այնպես ստացվեց, որ մեր համատեղ ճամփորդությունն ավարտվեց։ Մենք որոշեցինք ամեն մեկս գնալ մեր ճանապարհով: Մենք բաժանվել ենք` առանց վիրավորանքի ու պրետենզիաների, շնորհակալության զգացումով այն ամենին, ինչ եղավ մեր մեջ: Մենք շնորհակալություն ենք հայտնել միմյանց մեր համատեղ տարիների համար և պահպանում ենք լավ հարաբերություններ: Ամուսնալուծությունը վերջը չէ, այլ կյանքի նոր փուլ։ Կարևոր է հիշել, որ յուրաքանչյուր ավարտ նոր բանի սկիզբ է: Մենք առաջ ենք շարժվում կյանքում՝ պահելով հարգանքն ու լավ հիշողությունները միմյանց հանդեպ: Կյանքը լի է փոփոխություններով, և դրանցից յուրաքանչյուրը նոր բանի հնարավորություն է»- գրել է Միխայիլը։
«Օձի լեզու» հաղորդման հերթական թողարկումը րոպեներ առաջ հասանելի դարձավ յութուբյան հարթակում: StarNews-ը հետևեց Մհերի և Արայի քննարկմանը: Մենք ներկայացրել էինք Մհերի խոսքը`Անդրեի և Անիի սկանդալային բաժանման, վերջինիս հանցագործության վերաբերյալ հայտարարության գրառման մասին:
Արա Ղազարյանն, ով թեմայի մասին իր կարծիքն արդեն հայտնել էր, հերթական անգամ հիշեցրեց անմեղության կանխավարկածի մասին.
«Ես այս առումով արդեն հրապարակում արել եմ ինստագրամում, բայց կկրկնեմ, որ գոյություն ունի անմեղության կանխավարկած, որը խախտելու իրավունք չունի և ոչ ոք, և միանգամից քառատել և միանգամից բարձրացնել կախաղան ու հալած յուղի տեղ ընդունել մի կողմի ասածները`չսպասելով ու չլսելով մյուս կողմին, մեղմ ասած, սխալ է: Եվ սխալ է այն ժամանակ, երբ քննում են երկու դատարանները: Այն գրառումներն ու այն քոմենթները, որ մարդիկ անում էին Անիի գրառման տակ, պատիվ չի բերում ոչ մի հայ մարդու, ես անընդհատ կարդալով` ապշում էի, որ Անին չի հեռացնում դրանք: Դու խոսում էիր էմպատիայի մասին, բայց ես քո հետ համամիտ չեմ, որ կա առողջ հասարակություն, Անդրեին միանգամից տարան ու տեղադրեցին արցախյան թևում և արցախցիներին ատողները գրեցին` թուրք, ղարաբաղցի և այլն: Եվ սա Անին չէր հեռացնում: Տանը մեծանում է երեխա, որի հայրն Անդրենա, և միայն այդ պատճառով Անին պետքա հեռացներ այդ մեկնաբանությունները: Անիին մի խորհուրդ`վերանայեք քոմմենթները, ուղղակի դրանք ճիշտ չի մնան… Կարծում եմ դատարանն իր տեղը կդնի ամեն ինչ, բայց եկեք սառը տրամաբանենք, առաջին օրը, երբ Անդրեին ձերբակալեցին, Անդրեն մեղադրվում էր մարդկության հանդեպ գործած բոլոր հնարավոր և անհնարին հանցագործություններով: Այո, կարծեմ նաև նշված էր, որ Անդրեն ծեծելա երեխային ևս»,- նշեց Արան, իսկ Մհերը լրացրեց.
«Այդ բոլոր մեղադրանքների շարքում կային բոլոր մարդկային մեղքերն ու մեղադրանքները`բացի Ջաննի Վերսաչեի սպանությունից: Պետք է չմոռանալ, որ ընտանիքում կա երեխա, ով մեծանալու է, ինֆորմացվելու է գործի մասին, ու սա որևէ կերպ լավ չի անդրադառնալու նրա հոգեվիճակի վրա»:
Արան նշեց, որ նմանօրինակ հանցագործության մեջ մեղադրվող մարդուն թույլ չեն տալիս լքել երկիրը, սակայն Անդրեն կարողացել է անել.
«Այսօր Անդրեն գտնվում է Հայաստանում ու մասնակցում է «Հայ սուպերսթար» նախագծին և հետո դատարանի որոշմամբ Անդրեն պարբերաբար հանդիպում էր երեխայի հետ, հանդիպումներն անցնում էին սոցիալական աշխատակիցների ներկայությամբ, ամեն անգամ հանդիպումներն անցնում էին ջերմ ու երեխան լացով բաժանվում էր իր հորից, ինչը տեսնում ու արձանագրում էին աշխատողները: Կիսում եմ այն միտքը, որ ընտանիքը մութ անտառ է, կան բազմաթիվ մութ անկյուններ, բայց նաև կիսում են այն վարկածը, որ երկար-բարակ շարադրությունը գրվեց «Հայ սուպերսթար» նախագծի անոնսի թողարկման օրը`քաջատեղյակ լինելով, որ Անդրեն ՀՀ քաղաքացի է և իր գրառումը հաղորդում էր հանցագործության մասին: Եվ բնական էր, որ Հայաստանի իրավապահ մարմինները նույնպես հետաքրքրվեցին այս գործով, սակայն բաց թողեցին այն`իմանալով, որ գործը քննվում է ԱՄՆ-ում»:
