Category: Նորություններ

StarNews-ը առանձնացրել և ներկայացնում է շոուբիզնեսյան օրվա ամենահետաքրքիր և ուշագրավ իրադարձությունները։

«Ժպիտների քաղաք» հիմնադրամը սոցիալական հարթակներում հոլովակ էր հրապարակել՝ հայտնելով, որ երգիչ Միհրան Ծառուկյանը անակնկալ է մատուցել քաղցկեղ ախտորոշմամբ երեխաներին՝ հյուրընկալվելով նրանց։ «Շնորհակալ ենք բարեսրտության համար», նշված էր հրապարակման մեջ։

Երգիչ Հարութ Փամբուկչյանն էլ համատեղ տեսանյութ էր տարածել Ռազմիկ Ամյանի մասնակցությամբ։ Փամբուկչյանը կիթառ էր նվագում, Ռազմիկ Ամյանն էլ կատարում էր հայկական ամենասիրված երգերից մեկը։ Արտիստների հրապարակումը մեծ արձագանքների էր արժանացել։

Սիլվա Հակոբյանն էլ հետևորդների հետ կիսվել էր իր ամենահայտնի երգերից մեկի հուզիչ նախապատմությամբ։

Դերասանուհի Մերի Մակարյանը, ով ինստագրամյան իր էջում նոր կոնտենտով է ներկայանում, ասմունքելով հայ դասականների ստեղծագործությունները, հերթական նմանատիպ հոլովակն էր հրապարակել։

Ռեփեր Պաշա Տեխնիկը մահացել է։ Այս մասին հայտնել են նրա կինը և ընկերները։ Նրա վիճակը  հանկարծակի վատացել է, երաժշտին անջատել են ЭКМО սարքից, բժիշկները արձանագրել են նրա մահը։ Ռեփերը տեղափոխվել է թայլանդական հիվանդանոց, երբ անծանոթ երկրպագուի կողմից ստացած արգելված նյութերից օգտվել է։ Բժիշկները ավելի քան մեկ շաբաթ պայքարել են նրա կյանքի համար, սակայն փրկել Տեխնիկին չի հաջողվել։

Օրեր առաջ ընդամենը 60 տարեկան հասակում կյանքից հեռացավ սիրված դերասան Արա Դեղտրիկյանը։ Այդ օրերին ամբողջ համացանցը ողողված էր արտիստի մասին հիշողություններով ու գրառումներով, նրա մասնակցությամբ լուսանկարներով ու տեսանյութերով։

Արա Դեղտրիկյանի մահից օրեր անց նրա դուստրը՝ Մանան Դեղտրիկյանը, պարբերաբար հայրիկի մասնակցությամբ արխիվային կադրերով է կիսվում։

«Իմ երակներով քո արյունն է հոսում»,- ինստագրամյան իր էջում գրել էր Մանանը։ Այս անգամ էլ նա տեսանյութ էր տարածել, որտեղ, կարելի է ասել, գաղտնի նկարել էր սիրված դերասանին։

Պարուհի, հաղորդավարուհի եւ դերասանուհի Մաշա Ենոքյանն իր ինստագրամյան էջում հրապարակել է մի քանի կադրեր իր մայրիկի մասնակցությամբ`ցույց տալով, թե որքան երիտասարդ է նա:

Մաշը հրապարակումներից մեկին կից գրել է.

«Իմ էլիզաբեթի տատիկ»:

Դե իսկ կադրերից երևում է, որ Մաշն այնքան էլ նման չէ իր մայրիկին:

Երեկ՝ ապրիլի 4-ին, երգչուհի Նանան նշում էր ծննդյան տարեդարձը։

Երգչուհին օրն անցկացրել է ընկերների և հարազատների շրջապատում։ 

Նանային շտապել են շնորհավորել երկրպագուներն ու ինստագրամյան հետևորդները։ Երգչուհին սոցիալական էջերում կիսվել է խնջույքից կադրերով, ինչպես երևում է տեսանյութերից` Նանան բազմաթիվ գեղեցիկ անակնկալներ ու շքեղ ծաղկեփնջեր է ստացել:

Երգիչ Արամ MP3-ն այսօր նշում է ծննդյան տարեդարձը: Երգիչն իր ինստագրամյան էջում հրապարակել է  է լուսանկար`այդպիսով հայտնելով  տարեդարձի ու տարիքի մասին.

Ոչ ավել, ոչ պակաս, ուղիղ 41:

Լուռ ընդունում ենք և շարժվում առաջ»:

Հավելենք, որ երգչին շտապել են բազմաթիվ շնորհավորանքներ հղել կոլեգաներն ու ընկերները:

Ծանրամարտի աշխարհի չեմպիոն, Եվրոպայի կրկնակի չեմպիոն Նազիկ Ավդալյանը ֆեյսբուքյան իր էջում նոր հրապարակում է արել:

«Միշտ պետք է քայլել, թեկուզ մանր, դանդաղ քայլերով, բայց քայլել: Երկար ցատկ անելու համար, նույնիսկ պետք է մի քանի քայլ հետ գնալ: Բայց ո’չ երբեք հույսը դնել ուրիշի վրա և նստել, սպասել, որ քեզ ինչ որ մեկը օգնի: Ոչ ոք իր կյանքի ճանապարհից չի շեղի քեզ նորից ոտքի կանգնեցնելու համար, եթե դու ոչ մի բան չես անում։

Եթե ինչ որ մի բան չի ստացվում փորձիր նորից, ուրիշ կերպ կամ ուրիշ բան, բայց միշտ փորձիր:

Կյանքում, ինչ որ մի փուլի ավարտը, միշտ նոր փուլի սկիզբ է և միանշանակ ավելի հետաքրքիր ու բարձունքներով լի: Չէ՞ որ դու ունես անցյալի փորձ, որը քեզ կուղղորդի կյանքում ավելի ճիշտ ապրել, ավելի խելամիտ գործել, պարզապես պետք է չնկնել ֆրուստրացիայի մեջ, չհուսահատվել ու «չալարել ապրել».

Ամեն մի դժվարություն մի նոր հնարավորություն է ավելի կայանալու, և ինչքան դժվար է լինում անցած ուղին, այնքան արժեքավոր է լինում այդ ձեռքբերումը, սովորիր պահել այն ինչ ունես, որ կարողանաս ձգտել ու հասնել ավելիին։ Եվ անկախ ամեն ինչից, կյանքը շատ գեղեցիկ է և այն տրված է ապրելու համար։

Ուրեմն ապրիր, սիրիր կյանքը, երջանիկ եղիր և երբեք մի դադարիր գործել: Ինչ որ մի բան անելու համար, երբեք մի ասա ժամանակը կգա կանեմ, ժամանակը ցավոք երբեք չի գալիս, այն միշտ գնում է: Այնպես որ, գնահատիր քո վայրկյանը և շարունակիր քայլել»,- գրել է Նազիկ Ավդալյանը։

«Խոստովանություն» հաղորդաշարին հյուրընկալվել էր Գագիկ Սուրենյանը։

StarNews-ը հետևեց հարցազրույցին։

Գագիկ Սուրենյանի հոգու եղանակը գարունն է, սիրո եղանակը` ամառը, որտե՞ղ և ինչպես՞ է հանդիպել իր սիրուն.

«Կինս սովորել է ինձ հետ, և առաջին կուրսից հենց հետաքրքրություն եմ ունեցել իր անձի նկատմամբ։ Երկրորդ կուրսից մինչև մագիստրատուրա ընկերություն ենք արել,որից հետո 2010 թվականին ամուսնացել ենք»։

Սոցցանցերում շատ են պտտվում զավեշտալի դեպքեր` կապված Գագիկ Սուրենյանի կանխատեսումների հետ։ Զավեշտալի մի դեպք պատմեց Սուրենյանը.

«Երբ ձյուն չէր գալիս, մի աղջիկ, թե տղա, չեմ հիշում, ատում եմ, որ գրում են լատինատառերով գրել էր ՝«erb e dun galu»։ Ես էլ դիտմամբ հայատառերով պատասխանել էի՝ «երբ որ Դմեռը գա»։

Գագիկ Սուրենյանի կյանքում փոթորիկներ շատ են եղել և ունեցել է հոգևոր սով.

«Կորցրել եմ իմ շատ սիրելի երգչուհուն, որին սիրել եմ ծայրաստիճան։ Նա երկար տարիներ եղել է իմ բարեկամն ու մտերիմ ընկերը։ Երկար տարիներ չէի կարողանում ուշքի գալ…»։

Օֆելյա Համբարձումյանի երգերը կար ժամանակ, որ Գագիկը լսում էր ամեն օր, հիմա արդեն լսում է շաբաթը մեկ-երկու անգամ։ Նրա խոսքով բնության մեջ լինելիս` երգչուհու ձայնն իրեն պետք է ուղղորդի, որովհետև այդ  ձայնի ներքո բնությունը կրկնակի գեղեցիկ է թվում։

ՀՀ ժողովրդական արտիստ, դերասան, հումորիստ, հաղորդավար Աշոտ Ղազարյանը ֆեյսբուքյան իր էջում կնոջ`Մելանի հետ համատեղ ջերմ լուսանկար է հրապարակել:

Նշենք նաև, որ Աշոտ Ղազարյանն իրենց ամուսնության օրը ևս հրապարակում էր արել ու հայտնել, որ իրենց միության օրն է։ «Բան չմնաց, մնաց 48 տարի։
48 տարի միասին»,-լուսանկարին կից գրել էր հումորիստը։

Այսօր երգչուհի Սիլվա Հակոբյանի եղբոր կնոջ ծննդյան տարեդարձն է: Երգչուհին իր ինստագրամյան էջում հրապարակել է համատեղ լուսանկար` կից գրելով ջերմ շնորհավորանք:

«Happy birthday, Արմինս»:

Հավելենք, որ երեկ Սիլվայի ընտանիքը երգչուհու համար անակնկալ էր պատրաստել:

Սիլվան հուզվել, ապա գրկախառնվել ու շնորհակալություն էր հայտնել`այլևս իր նվագախումբն ունենալու առթիվ:

Երգչուհին այս մասին տեսանյութ էր տարածել ու գրել.

«Մեկ ամիս շարունակ,ինձանից գաղտնի,ընտանիքիս անդամները` հատկապես եղբայրս ու իմ լավ ընկեր` Սերգեյ Այվազյանը,իրականացրել են իմ մեծ ցանկությունը… Հիմա ես կրկին նվագախումբ ունեմ Անչափ երջանիկ եմ,որ ունեմ ձեզ իմ կյանքում ❤️Շնորհակալ եմ էս սիրուն էմոցիաների համար,որ պարգևեցիք ինձ այսօր : Ամենալավագույնը դեռ առջևում է…»:

Երգչուհի Լիլիթ Հովհաննիսյանը ներկայացրել է նոր երգ ու տեսահոլովակ: Երգը կոչվում է «Տորթիկ»:

«Այս երգը նվիրում եմ բոլոր նրանց՝ ում ծննդյան օրն է այսօր…կամ վաղը… կամ մյուս օրը: Մի խոսքով՝ բո-լո-րիի՜ն»,- ինստագրամյան իր էջում գրել է երգչուհին: